Bah Waqt-E-Asar Jo Karbal Ki Khaak Baith Gai
Kai dilon peh katay sar ke dhak baith gai
Idhar zamen peh gira Hashmi chiragh, udhar
Falak peh sog mein ik zaat-e-pak baith gai
Badan jo farsh-e-aza se utha to rooh wahein
Bah sad niaaz bah sad inhimak baith gai
Bah yaad-e-sajda tishna imam, sajda kiya
Aur itni dair se utha keh naak baith gai
Jo be rida thi, uthi aur darwan-e-qasar dimashq
Baray baron ki rida kar ke chaak baith gai
Addo hussain ka ho aur nishan chhoray zameen
Suna hai iss ki lahad theek thaak baith gai
Bah waqt-e-asar jo karbal ki khaak baith gai
Kai dilon peh katay sar ke dhak baith gai
غزل
بہ وقتِ عصر جو کربل کی خاک بیٹھ گئی
کئی دلوں پہ کٹے سر کی دھاک بیٹھ گئی
اِدھر زمیں پہ گرا ہاشمی چراغ، اُدھر
فلک پہ سوگ میں اک ذاتِ پاک بیٹھ گئی
بدن جو فرشِ عزا سے اُٹھا تو روح وہیں
بہ صد نیاز، بہ صد انہماک بیٹھ گئی
بہ یادِ سجدہ تشنہ امام، سجدہ کیا
اور اتنی دیر سے اُٹھا کہ ناک بیٹھ گئی
جو بے ردا تھی، اٹھی اور درونِ قصر دمشق
بڑے بڑوں کی ردا کر کے چاک، بیٹھ گئی
عدو حسین کا ہو اور نشان چھوڑے زمیں
سنا ہے اِس کی لحد ٹھیک ٹھاک بیٹھ گئی
بہ وقتِ عصر جو کربل کی خاک بیٹھ گئی
کئی دلوں پہ کٹے سر کی دھاک بیٹھ گئی