Tamam Khushiyon Ko Bas Ik Gham Ne Ghair Liya

Tamam Khushiyon Ko Bas Ik Gham Ne Ghair Liya
Ajab hai keh zyada ko kam ne ghair liya

Kaneezen mal-e-ghanimat ke saath aati rahin
Mehal ka nisf kam az kam harm ne ghair liya

Taweel waqat phiray nasha e wajood mein hum
Phir aik roz achanak adam ne ghair liya

Hamaray khwab bare aur aankhen chhuti theen
Jaga banai to uss ko bhi nam ne ghair liya

Pata tha uss se bicharte hi dost ghairen gay
Wohi howa mujhe ranj-o-alam ne ghair liya

Hamari jaib mein bachpan se thi qalam ki jaga
Bare hoye to usay bhi raqam ne ghair liya

Muqaddassat ki nigrani karna parti hai
Issi usool ke taaht uss ko hum ne ghair liya

Tamam khushiyon ko bas ik gham ne ghair liya
Ajab hai keh zyada ko kam ne ghair liya