Ada-e-ishq Hun Puri Ana Ke Sath Hun Main

نظم:عشق
ادائے عشق ہوں پوری انا کے ساتھ ہوں میں
خود اپنے ساتھ ہوں یعنی خدا کے ساتھ ہوں میں
مجاوران ہوس تنگ ہیں کہ یوں کیسے
بغیر شرم و حیا بھی حیا کے ساتھ ہوں میں
سفر شروع تو ہونے دے اپنے ساتھ مرا
تو خود کہے گا یہ کیسی بلا کے ساتھ ہوں میں
میں چھو گیا تو ترا رنگ کاٹ ڈالوں گا
سو اپنے آپ سے تجھ کو بچا کے ساتھ ہوں میں
درود بر دل وحشی سلام بر تپ عشق
خود اپنی حمد خود اپنی ثنا کے ساتھ ہوں میں
یہی تو فرق ہے میرے اور ان کے حل کے بیچ
شکایتیں ہیں انہیں اور رضا کے ساتھ ہوں میں
میں اولین کی عزت میں آخرین کا نور
وہ انتہا ہوں کہ ہر ابتدا کے ساتھ ہوں میں
دکھائی دوں بھی تو کیسے سنائی دوں بھی تو کیوں
ورائے نقش و نوا ہوں فنا کے ساتھ ہوں میں
بہ حکم یار لویں قبض کرنے آتی ہے
بجھا رہی ہے؟ بجھائے ہوا کے ساتھ ہوں میں
یہ صابرین محبت یہ کاشفین جنوں
انہی کے سنگ انہیں اولیا کے ساتھ ہوں میں
کسی کے ساتھ نہیں ہوں مگر جمال الہ
تری قسم ترے ہر مبتلا کے ساتھ ہوں میں
زمانے بھر کو پتا ہے میں کس طریق پہ ہوں
سبھی کو علم ہے کس دل ربا کے ساتھ ہوں میں
منافقین تصوف کی موت ہوں میں علیؔ
ہر اک اصیل ہر اک بے ریا کے ساتھ ہوں میں
Nazam:Ishq
Ada-E-Ishq Hun Puri Ana Ke Sath Hun Main
khud apne sath hun yani khuda ke sath hun main
 
mujawaran-e-hawas tang hain ki yun kaise
baghair sharm-o-haya bhi haya ke sath hun main
 
safar shurua to hone de apne sath mera
tu khud kahega ye kaisi bala ke sath hun main
 
main chhu gaya to tera rang kat dalunga
so apne aap se tujh ko bacha ke sath hun main
 
durud-bar-dil-e-wahshi salam-bar-tap-e-ishq
khud apni hamd khud apni sana ke sath hun main
 
yahi to farq hai mere aur un ke hal ke bich
shikayaten hain unhen aur raza ke sath hun main
 
main awwalin ki izzat mein aakhirin ka nur
wo intiha hun ki har ibtida ke sath hun main
 
dikhai dun bhi to kaise sunai dun bhi to kyun
wara-e-naqsh-o-nawa hun fana ke sath hun main
 
ba-hukm-e-yar lawen qabz karne aati hai
bujha rahi hai? bujhae hawa ke sath hun main
 
ye sabirin-e-mohabbat ye kashifin-e-junun
inhi ke sang inhin auliya ke sath hun main
 
kisi ke sath nahin hun magar jamal-e-ilaha
teri qism tere har mubtala ke sath hun main
 
zamane bhar ko pata hai main kis tariq pe hun
sabhi ko ilm hai kis dil-ruba ke sath hun main
 
munafiqin-e-tasawwuf ki maut hun main ‘ali’
Har Ek Asil Har Ek Be-Riya Ke Sath Hun Main

اپنا تبصرہ بھیجیں