Mein Barhaata Hoon Roshni Dekhein
Ghour se ghar ki tairgi dekhein
Waqt ab theek chal raha hai mera
Aap peh yeh qeemti ghari dekhein
Meri herat peh jin ko herat hai
Uss ki tasveer lazmi dekhein
Kitne logon ki arziyan hoon gi
Uss ki raddi ki tokri dekhein
Jantay hain mein mar chuka nahi naa
Aise karte hain khud kashi dekhein
Ab lagate hain dour ki ainak
Aankhen dekhi hain khawab bhi dekhein
Mujh se pathar ka mouh chirata hai
Aainay ki bahaduri dekhein
Mein barhaata hoon roshni dekhein
Ghour se ghar ki tairgi dekhein
غزل
میں بڑھاتا ہوں روشنی دیکھیں
غور سے گھر کی تیرگی دیکھیں
وقت اب ٹھیک چل رہا ہے مرا
آپ یہ قیمتی گھڑی دیکھیں
میری حیرت پہ جن کو حیرت ہے
اُس کی تصویر لازمی دیکھیں
کتنے لوگوں کی عرضیاں ہوں گی
اُس کی ردی کی ٹوکری دیکھیں
جانتے ہیں میں مر چکا نہیں نا
ایسے کرتے ہیں خودکشی دیکھیں
اب لگاتے ہیں دور کی عینک
آنکھیں دیکھی ہیں خواب بھی دیکھیں
مجھ سے پتھر کا منہ چڑاتا ہے
آئینے کی بہادری دیکھیں
میں بڑھاتا ہوں روشنی دیکھیں
غور سے گھر کی تیرگی دیکھیں
