Apne Shah-Sawaron Ko

Apne Shah-Sawaron Ko
Qatal karne walon se

Khoon baha talab karna
Warison pe wajib tha
Qatilon pe wajib tha

Khoon baha ada karna
Wajbaat ki takmil
Munsifoon pe wajib thi

Munsifon ki nigrani
Qudison pe wajib thi

Waqt ki adalat mein
Ek simt masnad thi
Ek simt khanjar tha

Taj-e-zar-nigar ek simt
Ek simt Lashkar tha

Ek taraf muqaddar tha
Taife pukar uthe
Taj-o-takht zindabad
Saz-o-rakht zindabad
Saz-o-rakht zindabad

Khalq ham se kehti hai
Sara maajra likkhen
Kis ne kis tarha paya
Apna khoon baha likhen

Chashm-e-nam se sharinda
Hum qalam se sharminda
Sochte hain
Kia likkhen

Apne Shah-sawaron ko
Qatal karne walon se