شاعر: احمد فراز

اب شوق سے کہ جاں سے گزر جانا چاہیئے
بول اے ہوائے شہر کدھر جانا چاہیئے

کب تک اسی کو آخری منزل کہیں گے ہم
کوئے مراد سے بھی ادھر جانا چاہیئے

وہ وقت آ گیا ہے کہ ساحل کو چھوڑ کر
گہرے سمندروں میں اتر جانا چاہیئے

اب رفتگاں کی بات نہیں کارواں کی ہے
جس سمت بھی ہو گرد سفر جانا چاہیئے

کچھ تو ثبوت خون تمنا کہیں ملے
ہے دل تہی تو آنکھ کو بھر جانا چاہیئے

یا اپنی خواہشوں کو مقدس نہ جانتے
یا خواہشوں کے ساتھ ہی مر جانا چاہیئے

Ab Shauq Se Ke Jaan Se Guzar Jaana Chahiye

Bol ai hawa-e-shahr kidhar jaana chahiye

Kab tak isi ko aakhiri manzil kahenge hum

ku-e-murad se bhi udhar jaana chahiye

wo waqt aa gaya hai ki sahil ko chhod kar

gahre samundaron mein utar jaana chahiye

ab raftagan ki baat nahin karwan ki hai

jis samt bhi ho gard-e-safar jaana chahiye

kuchh to subut-e-khun-e-tamanna kahin mile

hai dil tahi to aankh ko bhar jaana chahiye

ya apni khwahishon ko muqaddas na jaante

ya khwahishon ke sath hi mar jaana chahiye