شاعر:فیض احمدفیض
چند روز اور مری جان فقط چند ہی روز
ظلم کی چھاؤں میں دم لینے پہ مجبور ہیں ہم
 
اور کچھ دیر ستم سہہ لیں تڑپ لیں رو لیں
اپنے اجداد کی میراث ہے معذور ہیں ہم
 
جسم پر قید ہے جذبات پہ زنجیریں ہیں
فکر محبوس ہے گفتار پہ تعزیریں ہیں
 
اپنی ہمت ہے کہ ہم پھر بھی جیے جاتے ہیں
زندگی کیا کسی مفلس کی قبا ہے جس میں
 
ہر گھڑی درد کے پیوند لگے جاتے ہیں
لیکن اب ظلم کی میعاد کے دن تھوڑے ہیں
 
اک ذرا صبر کہ فریاد کے دن تھوڑے ہیں
عرصۂ دہر کی جھلسی ہوئی ویرانی میں
 
ہم کو رہنا ہے پہ یوں ہی تو نہیں رہنا ہے
اجنبی ہاتھوں کا بے نام گراں بار ستم
 
آج سہنا ہے ہمیشہ تو نہیں سہنا ہے
یہ ترے حسن سے لپٹی ہوئی آلام کی گرد
 
اپنی دو روزہ جوانی کی شکستوں کا شمار
چاندنی راتوں کا بے کار دہکتا ہوا درد
 
دل کی بے سود تڑپ جسم کی مایوس پکار
چند روز اور مری جان فقط چند ہی روز
Chand Roz Aur Meri Jaan Faqat Chand Hi Roz
apne ajdad ki miras hai mazur hain hum

jism par qaid hai jazbaat pe zanjiren hain
fikr mahbus hai guftar pe taziren hain

apni himmat hai ki hum phir bhi jiye jate hain
zindagi kya kisi muflis ki qaba hai jis mein

har ghaDi dard ke paiwand lage jate hain
lekin ab zulm ki miad ke din thoDe hain

ek zara sabr ki fariyaad ke din thoDe hain
arsa-e-dahr ki jhulsi hui virani mein

hum ko rahna hai pe yunhi to nahin rahna hai
ajnabi hathon ka be-nam giran-bar sitam

aaj sahna hai hamesha to nahin sahna hai
ye tere husn se lipTi hui aalam ki gard

apni do roza jawani ki shikaston ka shumar
chandni raaton ka bekar dahakta hua dard

dil ki be-sud taDap jism ki mayus pukar
chand roz aur meri jaan faqat chand hi roz
 
Share this with your friends