Hajoom Naala Herat Aajiz Arz Yak E Afghan Hai
Khamoshi resha saad nestaan se khas bah dandan hai
Takaluof bar taraf hai jaan sataan tar lutf bad khuyan
Nigah be hijab naaz e tegh taiz uryaan hai
Hoi yeh kasrat gham se talaf kefiyat shadi
Keh subah eid mujh ko badtar az chak garibaan hai
Dil woh den naqad la saqi se gar soda kya chahe
Keh is bazar mein saghar mata e dast gardan hai
Gham e aghosh bala mein parwarish deta hai ashiq ko
Chiragh roshan apna qulzam sar sar ka marjaan hai
Takalouf saaz roswai hai ghaafil saharam ranai
Dil khoon gashta dar dast hina aaloda uryaan hai
Asad jamiat dil dar kinaar be khudi khush tar
Dou alam aaghi saman yah khawab pareshan hai
Keh jamay ko araq saai urooj nashi nageen tar
Khat rukhsar e saqi ta khat saghar chiraghaan hai
Raha hai be qadar dil dar e pardah josh zahoor aakhir
Gul-o-nargas baham aaina-o-qalam koraan hai
Tamasha sar khush ghaflat hai ba wasaf huzoor dil
Hanooz aaina khalwat gaah naaz rabat majgaan hai
Takalouf bar taraf zouq zulakha jamaa kar warna
Perishan khawab e aaghosh-o-daa yousaf sataan hai
Hajoom naala herat aajiz arz yak e afghan hai
Khamoshi resha saad nestaan se khas bah dandan hai
غزل
ہجوم نالہ حیرت عاجز عرض یکِ افغاں ہے
خموشی ریشہ صد نیستاں سے خس بہ دنداں ہے
تکلف بر طرف ہے جاں ستاں تر لطف بد خویاں
نگاہ بے حجاب نازِ تیغ تیز عریاں ہے
ہوئی یہ کثرت غم سے تلف کیفیت شادی
کہ صبح عید مجھ کو بد تر از چاک گریباں ہے
دل وہ دیں نقد لا ساقی سے گر سودا کیا چاہے
کہ اِس بازار میں ساغر متاعِ دست گرداں ہے
غمِ آغوش بلا میں پرورش دیتا ہے عاشق کو
چراغ روشن اپنا قلزم صرصر کا مرجاں ہے
تکلف ساز رسوائی ہے غافل شرم رعنائی
دل خوں گشتہ در دست حنا آلودہ عریاں ہے
اسد جمعیت دل در کنار بے خودی خوش تر
دو عالم آگہی سامان یک خواب پریشاں ہے
کہ جامے کو عرق سعی عروج نشہ نگیں تر
خط رخسارِ ساقی تا خط ساغر چراغاں ہے
رہا ہے بے قدر دل درِ پردہ جوش ظہور آخر
گل و نرگس بہم آئینہ و اقلیم کوراں ہے
تماشا سرخوش غفلت ہے با وصف حضور دل
ہنوز آئینہ خلوت گاہ ناز ربط مژگاں ہے
تکلف بر طرف ذوق زلیخا جمع کر ورنہ
پریشاں خوابِ آغوش وداع یوسف ستاں ہے
