شاعر: علامہ اقبال
نگاہ فقر میں شان سکندری کیا ہے
خراج کی جو گدا ہو وہ قیصری کیا ہے
بتوں سے تجھ کو امیدیں خدا سے نومیدی
مجھے بتا تو سہی اور کافری کیا ہے
فلک نے ان کو عطا کی ہے خواجگی کہ جنہیں
خبر نہیں روش بندہ پروری کیا ہے
فقط نگاہ سے ہوتا ہے فیصلہ دل کا
نہ ہو نگاہ میں شوخی تو دلبری کیا ہے
اسی خطا سے عتاب ملوک ہے مجھ پر
کہ جانتا ہوں مآل سکندری کیا ہے
کسے نہیں ہے تمنائے سروری لیکن
خودی کی موت ہو جس میں وہ سروری کیا ہے
خوش آ گئی ہے جہاں کو قلندری میری
وگرنہ شعر مرا کیا ہے شاعری کیا ہے
Nigah.e.Faqr Men Shan.e.Sikandri Kya hai
Kharaj Ki Jo Gada Hai Who Qaisri Kya Hai

Buton Se Tujh Ko Umeeden Khuda Se Na Umeedi
Mujhy Bta To Sahi R Kafri Kya Hai

Falak Ne On Ko Ata Ki Hai Khajgi Keh Jinhen
Khabar Nahi Rawash.e.Banda Parwri Kya Hai

Faqat Nigah Se Hota Hai Faisla Dil Ka
Na Ho Nigah Mein Shokhi To Dilbari Kya Hai

Isi Khata Se Atab Mlook Hai Mujh Par
Keh Janta Hun Ma aal.e.Sikandri Kya Hai

Kise Nahi Hai Tamana.e.Sarwri Laikin
Khudi Ki Maot Ho Jis Mein Who Serwri Kya Hai

Khush Aa Gaii Hai Jahan Ko Qalandi Meri
Wagarna Sher Mera Kya Hai Shayri Kya Hai
Share this with your friends