Sabaz Mausam Ko Bhi Tehreer-E-Khizan Botlay Hain
Aaj kal pair udaasi ki zubaan boltay hain

Baaz awqaat makeenon ki khamoshi se dari
Khirkiyan shor machati hain, makaan boltay hain

Kon karta hai tere baad tere jaisa sukhan
Hum tere baad kisi se bhi kahan boltay hain

Unchi aawaz mein adat to nahi bolnay ki
Zabt jab tor diya jaye to haan boltay hain

Jis jagah maan rakha jaye khatabat ka aye dost
Hum anan zaad bohat khul ke wahan boltay hain

Iss qadar jhoot milawat hai meri basti mein
Dhool malbay ki uri ho to dhuwan boltay hain

Hasbi allah nahi kehta koi muddat se
Ab bhi thokar hamein lagti hai tu maan boltay hain

Sabaz mausam ko bhi tehreer-e-khizan botlay hain
Aaj kal pair udaasi ki zubaan boltay hain
غزل
سبز موسم کو بھی تحریرِ خزاں بولتے ہیں
آج کل پیڑ اداسی کی زباں بولتے ہیں

بعض اوقات مکینوں کی خموشی سے ڈری
کھڑکیاں شور مچاتی ہیں ، مکاں بولتے ہیں

کون کرتا ہے ترے بعد ترے جیسا سخن
ہم ترے بعد کسی سے بھی کہاں بولتے ہیں

اونچی آواز میں عادت تو نہیں بولنے کی
ضبط جب توڑ دیا جائے تو ہاں بولتے ہیں

جس جگہ مان رکھا جائے خطابت کا اے دوست
ہم انا زاد بہت کھل کے وہاں بولتے ہیں

اس قدر جھوٹ ، ملاوٹ ہے مری بستی میں
دھول ملبے کی اڑی ہو تو دھواں بولتے ہیں

حسبی اللہ ، نہیں کہتا کوئی مدت سے
اب بھی ٹھوکر ہمیں لگتی ہے تو ماں بولتے ہیں

سبز موسم کو بھی تحریرِ خزاں بولتے ہیں
آج کل پیڑ اداسی کی زباں بولتے ہیں