Jahan Bhar Ki Tamam Aankhen Nachore Kar Jitna Num Banay Ga
Yeh kul mila kar bhi hijr ki raat mere griye se kam banay ga

Mein dasht hoon yeh mughalta hai nah shairana mubaligha hai
Mere badan par kahin qadam rakh ke dekh naqsh qadam banay ga

Hamara lasaha bahao warna lahad muqadas mazar ho gai
Yeh surkh kurta jalao warna baghawatoon ka ilm banay ga

Tu kyun nah hum panch saat din tak mazeed sochen bananay se qabal
Meri chatti hes bata rahi hai yeh rishta tootay ga gam banay ga

Mujh aisay logon ka tairh qudrati hai so aitraaz kaisa
Shadeed num khaak se jo paikar banay ga yeh teh hai kham banay ga

Suna howa hai jahaan mein bekar kuch nahi hai so ji rahay hain
Bana howa hai yaqeen keh iss raigani se kuch aham banay ga

Keh shahzaday keh aadaten dekh kar sabhi iss peh muttafiq hain
Yeh joon hi hakim bana mehal ka wasee raqba haram banay ga

Mein aik tarteeb se lagata raha hoon ab tak sukoot apna
Sada ke waqfay nikal iss ko shuru se sun radham banay ga

Safaid romal jab kabootar nahi bana to woh shobidah baz
Palatnay walon se keh raha tha ruku khuda ki qasam banay ga

Jahan bhar ki tamam aankhen nachore kar jitna num banay ga
Yeh kul mila kar bhi hijr ki raat mere griye se kam banay ga