Hasil Howa Tha Jeet Ka Is Din Sharf Mujhe
Dekha gaya tha jang mein jab sar bakaf mujhe
Nahi palta kisi ka war mein ne murawwatan
Dusham samjhne lag gaye aasan hadaf mujhe
Bas chand log hain magar sab jaan nisaar hain
Kafi rahe gi doston ki aik saf mujhe
Mein khaak naqash pa sahi is peh bhi naaz ho
Le jaye yeh hawa agar soye najaf mujhe
Jitna mera tha kaam woh nimta chuki hoon mein
Ab agli dastan se karden hazf mujhe
Rakha gaya hai darmiyan hijar-o-wisal ke
Yani samjh liya gaya harf-e-ataf mujhe
Ab mere lout aanay ka imkan tak nahi
Koi saada lagaye ga ab har taraf mujhe
Be faiz shahr-e-ishq mein tehron nah namuraad
Kehna keh apni zaat se rakhay woh laf mujhe
Hasil howa tha jeet ka is din sharf mujhe
Dekha gaya tha jang mein jab sar bakaf mujhe
غزل
حاصل ہوا تھا جیت کا اس دن شرف مجھے
دیکھا گیا تھا جنگ میں جب سر بکف مجھے
نہیں پلٹا کسی کا وار میں نے مروتاً
دشمن سمجھنے لگ گئے آساں ہدف مجھے
بس چند لوگ ہیں مگر سب جانثار ہیں
کافی رہے گی دوستوں کی ایک صف مجھے
میں خاک نقش پا سہی اس پہ بھی ناز ہو
لے جائے یہ ہوا اگر سوئے نجف مجھے
جتنا مرا تھا کام وہ نمٹا چکی ہوں میں
اب اگلی داستان سے کردیں حذف مجھے
رکھا گیا ہے درمیاں ہجر و وصال کے
یعنی سمجھ لیا گیا حرفِ عطف مجھے
اب میرے لوٹ آنے کا امکان تک نہیں
کوئی صدا لگائے گا اب ہر طرف مجھے
بے فیض شہرِ عشق میں ٹھہروں نہ نامراد
کہنا کہ اپنی ذات سے رکھے وہ لف مجھے
