Dost Kya Khud Ko Bhi Pursish Ki Ijazat Nahi Di
Dil ko khoon hone diya aankh ko zehmat nahi di

Hum bhi es silsila-e-ishq mein bait hain jaise
Hijar ne dukh na diya wasl ne rahat nahi di

Hum bhi ek sham bahut uljhay howay thay khud mein
Aik sham es ko bhi halat ne mohlat nahi di

Aajzi bakhshi gayi tamkanat faqr ke sath
Dene wale ne humein kon se daulat nahi di

Be wafa dost kabhi laut ke aaye tou nahi
Hum ne izhar-e-nidamat ki aziyat nahi di

Dil kabhi khwab ke peechay kabhi duniya ki taraf
Aik ne ajar diya aik ne ujrat nahi di

Dost kya khud ko bhi pursish ki ijazat nahi di
Dil ko khoon hone diya aankh ko zehmat nahi di