Safaid Shirt Thi Tum Seerhiyon Peh Baithe Thay
Mein jab class se nikli thi muskuraate howay

Hamari pehli mulaqat yad hai na tumhein
Ishare karte thay tum mujh ko aate jate howay

Tamam raat wo aankhen na bhoolti thi mujhe
Keh jin mein mere liye izzat aur waqar dikhe

Mujhe yeh duniya bayaban thi magar
Ek din tum ek bar dikhe aur be shumaar dikhe

Mujhe yeh dar tha keh tum bhi kahi wahi tou nahi
Jo jism par hi tamanna ke daagh chorte hain

Khuda ka shukar hai keh tum un say mukhtalif nikle
Jo phool tor ke ghusse mein baagh chorte hain

Zyada waqat na guzra tha es talluq ko
Keh us ke baad wo lamha qari qari aaya

Chowa tha tum ne mujhe aur mujhe mohabbat par
Yaqeen aaya tha lekin kabhi nahi aaya

Phir us ke baad mera nasha-e-sakoot geya
Mein kashmakash mein thi tum mere kon lagte ho

Mein amrita tumhein sochon tum mere sahir ho
Mein farha tumhein dekho tou tum johan lagte ho

Ham ek sath rahe aur hamein pata na chala
Talooqat ki had bandia bhi hoti hain

Mohabbaton ki safar mein hai jo raste hain wohi
Hawas ki simmat mein pak dandiyaan bhi hoti hain

Tumhare waste jo mere dil mein hai hafi
Tumhein mein kaash yeh sab kuch bata pati

Aur ab mazeed na milne ki koi waja nahi
Bas apni maa se mein aankhen nahi mila pati

Safaid shirt thi tum seerhiyon pe baithe thay
Mein jab class se nikli thi muskuraate howay