شاعرہ:پروین شاکر

غزل

گلاب ہاتھ میں ہو آنکھ میں ستارہ ہو

کوئی وجود محبت کا استعارہ ہو

میں گہرے پانی کی اس رو کے ساتھ بہتی رہوں

جزیرہ ہو کہ مقابل کوئی کنارہ ہو

کبھی کبھار اسے دیکھ لیں کہیں مل لیں

یہ کب کہا تھا کہ وہ خوش بدن ہمارا ہو

قصور ہو تو ہمارے حساب میں لکھ جائے

محبتوں میں جو احسان ہو تمہارا ہو

یہ اتنی رات گئے کون دستکیں دے گا

کہیں ہوا کا ہی اس نے نہ روپ دھارا ہو

افق تو کیا ہے در کہکشاں بھی چھو آئیں

مسافروں کو اگر چاند کا اشارا ہو

میں اپنے حصے کے سکھ جس کے نام کر ڈالوں

کوئی تو ہو جو مجھے اس طرح کا پیارا ہو

اگر وجود میں آہنگ ہے تو وصل بھی ہے

وہ چاہے نظم کا ٹکڑا کہ نثر پارہ ہو

Ghazal
Gulab Hath Mein Ho Aankh Mein Sitara Ho

Koi wajud mohabbat ka istiara ho

Main gahre pani ki is rau ke sath bahti rahun

Jazira ho ki muqabil koi kinara ho

Kabhi-kabhaar use dekh len kahin mil len

Ye kab kaha tha ki wo khush-badan hamara ho

Qusur ho to hamare hisab mein likh jae

Mohabbaton mein jo ehsan ho tumhaara ho

Ye itni raat gae kaun dastaken dega

Kahin hawa ka hi us ne na rup dhaara ho

Ufuq to kya hai dar-e-kahkashan bhi chhu aaen

Musafiron ko agar chand ka ishaara ho

Main apne hisse ke sukh jis ke nam kar dalun

Koi to ho jo mujhe is tarah ka pyara ho

Agar wajud mein aahang hai to wasl bhi hai

Wo chahe nazm ka tukda ki nasr-para ho