شاعر:قمر مرادآبادی
غزل
لذت درد جگر یاد آئی
پھر تری پہلی نظر یاد آئی

درد نے جب کوئی کروٹ بدلی
زندگی بار دگر یاد آئی

پڑ گئی جب ترے دامن پہ نظر
عظمت دیدۂ تر یاد آئی

اپنا کھویا ہوا دل یاد آیا
ان کی مخمور نظر یاد آئی

دیر و کعبہ سے جو ہو کر گزرے
دوست کی راہ گزر یاد آئی

دیکھ کر اس رخ زیبا پہ نقاب
اپنی گستاخ نظر یاد آئی

جب بھی تعمیر نشیمن کی قمرؔ
یورش برق و شرر یاد آئی
Ghazal
Lazzat-E-Dard-E-Jigar Yaad Aai
Phir teri pahli nazar yaad aai

Dard ne jab koi karwat badli
Zindagi bar-e-digar yaad aai

Pad gai jab tere daman pe nazar
Azmat-e-dida-e-tar yaad aai

Apna khoya hua dil yaad aaya
Un ki makhmur nazar yaad aai

Dair o kaba se jo ho kar guzre
Dost ki rahguzar yaad aai

Dekh kar us rukh-e-zeba pe naqab
Apni gustakh nazar yaad aai

Jab bhi tamir-e-nasheman ki ‘qamar’
Yurish-e-barq-o-sharar yaad aai
Share this with your friends