غزل
یہ مت پوچھو کہ کیسا آدمی ہوں
کرو گے یاد، ایسا آدمی ہوں
 
مرا نام و نسب کیا پوچھتے ہو!
ذلیل و خوار و رسوا آدمی ہوں
 
تعارف اور کیا اس کے سوا ہو
کہ میں بھی آپ جیسا آدمی ہوں
 
زمانے کے جھمیلوں سے مجھے کیا
مری جاں! میں تمہارا آدمی ہوں
 
چلے آیا کرو میری طرف بھی!
محبت کرنے والا آدمی ہوں
 
توجہ میں کمی بیشی نہ جانو
عزیزو! میں اکیلا آدمی ہوں
 
گزاروں ایک جیسا وقت کب تک
کوئی پتھر ہوں میں یا آدمی ہوں
 
شعورؔ آ جاؤ میرے ساتھ، لیکن!
میں اک بھٹکا ہوا سا آدمی ہوں
Ghazal
Ye Mat Puchho Ki Kaisa Aadmi Hun
Karoge Yaad, Aisa Aadmi Hun

Mera Nam-O-Nasab Kya Puchhte Ho!
Zalil-O-Khwar-o-Ruswa Aadmi Hun

Taaruf Aur Kya Is Ke Siwa Ho
Ki Main Bhi Aap Jaisa Aadmi Hun

Zamane Ke Jhamelon Se Mujhe Kya
Meri Jaan! Main Tumhaara Aadmi Hun

Chale Aaya Karo Meri Taraf Bhi!
Mohabbat Karne Wala Aadmi Hun

Tawajjoh Mein Kami Beshi Na Jaano
Azizo! Main Akela Aadmi Hun

Guzarun Ek Jaisa Waqt Kab Tak
Koi Patthar Hun Main Ya Aadmi Hun

‘Shuur’ Aa Jao Mere Sath, Lekin!
Main Ek Bhatka Hua Sa Aadmi Hun
Share this with your friends