شاعر:انور شعور

غزل

یاد کرو جب رات ہوئی تھی

تم سے کوئی بات ہوئی تھی

کہہ سکتا تھا کون کسی سے

وہ شکل حالات ہوئی تھی

سب سے ناطہ توڑ کے یکجا

تیری میری ذات ہوئی تھی

انسانوں نے حق مانگا تھا

اور فقط خیرات ہوئی تھی

اس کی کم آمیزی سے میری

تہذیب جذبات ہوئی تھی

مرنے والا خود روٹھا تھا

یا ناراض حیات ہوئی تھی

اسے ذرا سا خط لکھنے پر

خرچ تمام دوات ہوئی تھی

آج شعورؔ صبا کی آمد

کتنی بڑی سوغات ہوئی تھی

Ghazal
Yaad Karo Jab Raat Hui Thi

Tum se koi baat hui thi

Kah sakta tha kaun kisi se

Wo shakl-e-haalat hui thi

Sab se nata tod ke yakja

Teri meri zat hui thi

Insanon ne haq manga tha

Aur faqat khairaat hui thi

Us ki kam-amezi se meri

Tahzib-e-jazbaat hui thi

Marne wala khud rutha tha

Ya naraaz hayat hui thi

Use zara sa khat likhne par

Kharch tamam dawat hui thi

Aaj ‘shuur’ saba ki aamad

Kitni badi saughat hui th