شاعر:انور شعور

غزل

چمن میں آپ کی طرح گلاب ایک بھی نہیں

حضور ایک بھی نہیں جناب ایک بھی نہیں

مباحثوں کا ماحصل فقط خلش فقط خلل

سوال ہی سوال ہیں جواب ایک بھی نہیں

ادھر کسی سے کچھ لیا ادھر کسی کو دے دیا

چنانچہ واجب الادا حساب ایک بھی نہیں

کتب کے ڈھیر میں نہ ہو صحیفہ ذکر یار کا

تو قابل مطالعہ کتاب ایک بھی نہیں

قوی بھی ہے ضعیف بھی ہمارا حافظہ شعورؔ

مزے تمام یاد ہیں عذاب ایک بھی نہیں

Ghazal
Chaman Mein Aap Ki Tarah Gulab Ek Bhi Nahin

Huzur ek bhi nahin janab ek bhi nahin

Mubahison ka ma-hasal faqat khalish faqat khalal

Sawal hi sawal hain jawab ek bhi nahin

Idhar kisi se kuchh liya idhar kisi ko de diya

Chunanche wajib-ul-ada hisab ek bhi nahin

Kutub ke Dher mein na ho sahifa zikr-e-yar ka

To qabil-e-mutalia kitab ek bhi nahin

Qawi bhi hai zaif bhi hamara hafiza ‘shuur’

Maze tamam yaad hain azab ek bhi nahin