Woh Janta Hai Jis Ko Bhi Irfan-E-Naat Hai
Ishq-e-muhammad-e-arbi jaan-e-naat hai

Be shak hai sang-e-aswad isi baat ka saboot
Be jaan patharon mein bhi imkaan naat hai

Uss ki har aik saans hai naat-e-nabi ka sher
Jo ashique-e-rasool hai dewan-e-naat hai

Hum bandigan-e-khaak bhala kia kahin gay naat
Nutq-e-khudaye pak hi shayan naat hai

Karte hain yeh to aakhri hichki mein bhi sana
Ushaq ko to mout bhi saman-e-naat hai

Duniyawi nematen bhi deen se melen
Meri ghazal mein kaif bafizaan-e- naat hai

Zikar-e-nabi ko kitni bulandi peh le gaya
Quran apni rooh mein quran naat hai

Lahore se ajab hain madine ki nisbaten
Faris yeh shahr shahr ghulaman-e-naat hai

Woh janta hai jis ko bhi Irfan-e-naat hai
Ishq-e-muhammad-e-arbi jaan-e-naat hai
غزل
وہ جانتا ہے جس کو بھی عرفانِ نعت ہے
عشقِ محمدِ عربی جانِ نعت ہے

بے شک ہے سنگِ اسود اِسی بات کا ثبوت
بے جان پتھروں میں بھی امکان نعت ہے

اُس کی ہر ایک سانس ہے نعتِ نبی کا شعر
جو عاشقِ رسول ہے دیوانِ نعت ہے

ہم بندگانِ خاک بھلا کیا کہیں گے نعت
نطقِ خدائے پاک ہی شایان نعت ہے

کرتے ہیں یہ تو آخری ہچکی میں بھی ثنا
عشاق کو تو موت بھی سامانِ نعت ہے

دنیاوی نعمتیں بھی دین سے ملیں
میری غزل میں کیف بفیضان نعت ہے

ذکرِ نبی کو کتنی بلندی پہ لے گیا
قرآن اپنی روح میں قرآن نعت ہے

لاہور سے عجب ہیں مدینے کی نسبتیں
فارس یہ شہر شہرِ غلامانِ نعت ہے

وہ جانتا ہے جس کو بھی عرفانِ نعت ہے
عشقِ محمدِ عربی جانِ نعت ہے