Tasveer Teri Youn Rahe Kash Jaib Mein
Goya keh hussan wadi kalash jaib mein
Rastay mein yonhi mujh ko mil gaya gira para
Mein ne utha ke rakh liya aakash jaib mein
Aaj aa ke yaar paan ke khokhay peh jama hain
Sigrat chupa ke hath mein aur tash jaib mein
Pandra mint se dhoond raha hai na jane kia
Dalay howay hain hath ko kalash jaib mein
Sab taint aur kursion walay kama gaye
Shayar ne thoons kar bhari shabash jaib mein
Ab us gareeb choor ko bhejo gay jail mein
Gurbat ki jis ne kaat li padaish jaib mein
Rakhta nahi hoon paas mein apni kabhi shanakht
Phirta hai kon ke ke kabhi lash jaib mein
Tasveer teri youn rahe kash jaib mein
Goya keh hussan wadi kalash jaib mein
غزل
تصویر تیری یوں رہے کاش جیب میں
گویا کہ حسنِ وادیِ کیلاش جیب میں
رستے میں مجھ کو مل گیا یونہی گرا پڑا
میں نے اُٹھا کے رکھ لیا آکاش جیب میں
آج آکے یار پان کے کھوکھے پہ جمع ہیں
سگرٹ چھپا کے ہاتھ میں اور تاش جیب میں
پندرہ منٹ سے ڈھونڈ رہا ہے نہ جانے کیا
ڈالے ہوئے ہیں ہاتھ کو قلاش جیب میں
سب ٹینٹ اور کرسیوں والے کما گئے
شاعر نے ٹھونس کر بھری شاباش جیب میں
اب اُس غریب چور کو بھیجو گے جیل کیوں
غربت کی جس نے کاٹ لی پاداش جیب میں
رکھتا نہیں ہوں پاس میں اپنی کبھی شناخت
پھرتا ہے کون لے کے کبھی لاش جیب میں
تصویر تیری یوں رہے کاش جیب میں
گویا کہ حسنِ وادیِ کیلاش جیب میں
