Shab Wohi Lekin Sitar Aur Hai| Parveen Shakir

Shab Wohi Lekin Sitar Aur Hai
Ab safar ka istiaara aur hai

Aik mithi rait mein kaise rahe
Iss samandar ka kinara aur hai

Mauj ke murne mein kitni dair hai
Nao dali aur dhar aur hai

Jang ka hatiyar te kuch aur tha
Teer seene mein utaara aur hai

Matan mein to juram sabit hai magar
Hashiya sare ka sara aur hai

Saath to mera zameen deti magar
Aasmaan ka hi ishara aur hai

Dhoop mein deewar hi kaam aaye gi
Taiz barish ka sahara aur hai

Haarne mein ik ana ki baat thi
Jeet jane mein khasara aur hai

Sukh ke mausam ungliyun par gin liye
Fasal ka gham ka goshwara aur hai

Dair se palken nahi jhapken meri
Paish jaan ab ke nizara aur hai

Aur Kuch Pal Us ka Rasta dekh lo

Aasmaan par aik tara aur hai

Had chiraghon ki yahan se khatam hai
Aaj se rasta hamara aur hai

Shab wohi lekin sitar aur hai
Ab safar ka istiaara aur hai