Raat Darpesh Thi Musafir Ko
Neend kyun aagai musafir ko

Kya nagar hai yeh dil dikhai de
Har tarf aag si musafir ko

Kal mohabbat saraye khairt mein
Ik mila ajanabi musafir ko

Yad ke be karaan samandar mein
Ik leher le chali musafir ko

Yad ajayein khwab jaise log
Jane kab kis ghari musafir ko

Saath le kar chali gayi apne
Ik pari sanoli musafir ko

Ik sadda thi keh har ghari har pal
Jo bulati rahi musafir ko

Ik kahani bohat purani si
Yad aati rahi musafir ko

Chup lagi jab bhi bhoolne wale
Yad aaye kabhi musafir ko

Dour bs ik chiragh jalta tha
Woh ajab raat thi musafir ko

Mout ka dasht par kar leta
Umar ki qaid thi musafir ko

Le chali hai nayi rifaqat ki
Ik nayi roshni musafir ko

Aik wehshat mein le ke phirti thi
Raat bhar chandni musafir ko

Dair tak yad kar ke roti rahi
Aik larki kisi musafir ko

Khainch lati hai apni matti tak
Khaak ki dosti musafir ko

Raat darpesh thi musafir ko
Neend kyun aagai musafir ko
غزل
رات درپیش تھی مسافر کو
نیند کیوں آگئی مسافر کو

کیا نگر ہے یہ دل دکھائی دے
ہر طرف آگ سی مسافر کو

کل محبت سرائے حیرت میں
اک ملا اجنبی مسافر کو

یاد کے بے کراں سمندر میں
اک لہر لے چلی مسافر کو

یاد آجائیں خواب جیسے لوگ
جانے کب کس گھڑی مسافر کو

ساتھ لے کر چلی گئی اپنے
اک پری سانولی مسافر کو

اک صدا تھی کہ ہر گھڑی ہر پل
جو بلاتی رہی مسافر کو

اک کہانی بہت پرانی سی
یاد آتی رہی مسافر کو

چپ لگی جب بھی بھولنے والے
یاد آئے کبھی مسافر کو

دور بس اک چراغ جلتا تھا
وہ عجب رات تھی مسافر کو

موت کا دشت پارکر لیتا
عمر کی قید تھی مسافر کو

لے چلی ہے نئی رفاقت کی
اک نئی روشنی مسافر کو

ایک وحشت میں لے کے پھرتی تھی
رات بھر چاندنی مسافر کو

دیر تک یاد کر کے روتی رہی
ایک لڑکی کسی مسافر کو

کھینچ لاتی ہے اپنی مٹی تک
خاک کی دوستی مسافر کو
Poet: Noon Meem Danish
Share this with your friends