Raat Darpesh Thi Musafir Ko
Neend kyun aagai musafir ko

Kya nagar hai yeh dil dikhai de
Har tarf aag si musafir ko

Kal mohabbat saraye khairt mein
Ik mila ajanabi musafir ko

Yad ke be karaan samandar mein
Ik leher le chali musafir ko

Yad ajayein khwab jaise log
Jane kab kis ghari musafir ko

Saath le kar chali gayi apne
Ik pari sanoli musafir ko

Ik sadda thi keh har ghari har pal
Jo bulati rahi musafir ko

Ik kahani bohat purani si
Yad aati rahi musafir ko

Chup lagi jab bhi bhoolne wale
Yad aaye kabhi musafir ko

Dour bs ik chiragh jalta tha
Woh ajab raat thi musafir ko

Mout ka dasht par kar leta
Umar ki qaid thi musafir ko

Le chali hai nayi rifaqat ki
Ik nayi roshni musafir ko

Aik wehshat mein le ke phirti thi
Raat bhar chandni musafir ko

Dair tak yad kar ke roti rahi
Aik larki kisi musafir ko

Khainch lati hai apni matti tak
Khaak ki dosti musafir ko

Raat darpesh thi musafir ko
Neend kyun aagai musafir ko