Qalam Ho Taigh Ho Teesha Keh Dhal Mat Cheenio
Kabhi kisi se kisi ka kamal mat cheenio

Khushi ussi mein agar hai tou har khushi le lo
Yeh dukh yeh dard yeh hazan-o-malal mat cheenio

Issi khalash ke sabab phir mujhe ubharna hai
Khuda ke wastay ehad-e-zawal mat cheenio

Mein chhor sakta nahi saath estiqamat ka
Meri azan se josh-e-bilal mat cheenio

Abhi kitab nah chenio tum un ke hathon se
Hamare bachun ka husan-o-jamal mat cheenio

Hamari aankh mein yaadon ke zakhm rehne do
Hamre hath se phoolon ki daal mat cheenio

Abhi bujhao nah candle nah cake katoo abhi
Kuch aur dair mera pichla saal mat cheenio

Qalam ho taigh ho teesha keh dhal mat cheenio
Kabhi kisi se kisi ka kamal mat cheenio