Preeshan Ho Ke Meri Khak Aakhir Dil

Preeshan Ho Keh Meri Khak Aakhir Dil Na Ban Jay

Jo Mushkil Ab Hai Ya Rabb Phir Wohi Mushkil Na Ban Jay

Na Kar Den Mujh Ko Mujboor.e.Nawa Firdos Mein Hooren

Mera soz.e.Daru Phir Garmi.e.Mehfil Na Ban Jay

Kabhi Chodi Hui Manzil Bhi Yad Ati Hai Rahi Ko

Khatak Si Hai Jo Seene Mein Ghum.e.Manzil Na Ban Jay

Banaya Ishq Ne Dariya .e.Napaida Kran Mujh Ko

Yeh Meri Khud Nigah Daari Mera Sahil Na Ban Jay

Kahi Is Alam Be Rang.o.Bu Mein Bhi Talab Meri

Wohi Afsana.e.Dunbala.e.Mehmal Na Ban Jay

Arooj.e.Adam Khaki Se Anjum Sehmy Jaty Hain

Keh Yeh Toota Hua Tarama Qamil Na Ban Jay