شاعر: علامہ اقبال

پریشاں ہو کے میری خاک آخر دل نہ بن جائے
جو مشکل اب ہے یا رب پھر وہی مشکل نہ بن جائے

نہ کر دیں مجھ کو مجبور نوا فردوس میں حوریں
مرا سوز دروں پھر گرمی محفل نہ بن جائے

کبھی چھوڑی ہوئی منزل بھی یاد آتی ہے راہی کو
کھٹک سی ہے جو سینے میں غم منزل نہ بن جائے

بنایا عشق نے دریائے ناپیدا کراں مجھ کو
یہ میری خود نگہداری مرا ساحل نہ بن جائے

کہیں اس عالم بے رنگ و بو میں بھی طلب میری
وہی افسانۂ دنبالۂ محمل نہ بن جائے

عروج آدم خاکی سے انجم سہمے جاتے ہیں
کہ یہ ٹوٹا ہوا تارا مہ کامل نہ بن جائے

Preeshan Ho Keh Meri Khak Aakhir Dil Na Ban Jay
Jo Mushkil Ab Hai Ya Rabb Phir Wohi Mushkil Na Ban Jay

Na Kar Den Mujh Ko Mujboor.e.Nawa Firdos Mein Hooren
Mera soz.e.Daru Phir Garmi.e.Mehfil Na Ban Jay

Kabhi Chodi Hui Manzil Bhi Yad Ati Hai Rahi Ko
Khatak Si Hai Jo Seene Mein Ghum.e.Manzil Na Ban Jay

Banaya Ishq Ne Dariya .e.Napaida Kran Mujh Ko
Yeh Meri Khud Nigah Daari Mera Sahil Na Ban Jay

Kahi Is Alam Be Rang.o.Bu Mein Bhi Talab Meri
Wohi Afsana.e.Dunbala.e.Mehmal Na Ban Jay

Arooj.e.Adam Khaki Se Anjum Sehmy Jaty Hain
Keh Yeh Toota Hua Tarama Qamil Na Ban Jay
Share this with your friends