Chal Aa Ek Aisi Nazam Kahon
Jo lafz kahon wo ho jaye

Bas ashk kahon to
Ek aansu tere goray gaal ko dho jaye

Mein aa likhon
Tou aa jaye

Mein baith likhon
Tou baithay

Mere shane per sar rakhay tou
Mein neend kahon
Tou so jaye

Mein kaghaz per tere hont likhon
Tere honton per muskaan aaye

Mein dil likhon
Tou dil thamay
Mein gum likhon
Wo kho jaye

Tere hath banao pencil se
Phir hath peh tere hath rakhon
Kuch ulta seedha farz karon
Kuch seedha ulta ho jaye

Mein aah likhon
To haye kare

Be chain likhon
Be chain ho to

Phir mein be chain ka “be” katon
Tujhe chain zara sa ho jaye

Abhi “aain” likhon
To sochay mujhe

Phir “shin” likhon
Teri neend uray

Jab “qaaf” likhon
Tujhe kuch kuch ho

Mein “ishq” likhon tujhe ho jaye
Chal aa ek aisi nazam kahon
Jo lafz kahon wo ho jaye

نظم
چل آ اک ایسی نظم کہوں
جو لفظ کہوں وہ ہو جائے

بس اشک کہوں تو
اِک آنسو تیرے گورے گال کو دھو جائے

میں آ لکھوں
تو آ جائے

میں بیٹھ لکھوں
تو آ بیٹھے

میرے شانے پر سر رکھے تو
میں نیند کہوں
تُو سو جائے

میں کاغذ پر تیرے ہونٹ لکھوں
تیرے ہونٹوں پر مُسکان آئے

میں دل لکھوں
تو دل تھامے
میں گم لکھوں
وہ کھو جائے

تیرے ہاتھ بناؤں پینسل سے
پھر ہاتھ پہ تیرے ہاتھ رکھوں

کچھ الٹا سِیدھا فرض کروں
کچھ سیدھا اُلٹا ہو جائے

میں آہ لکھوں
تو ہائے کرے

بے چین لکھوں
بے چین ہو تو

پھر میں بے چین کا ’’ب‘‘ کاٹوں
تجھے چین زرا سا ہو جائے

ابھی’’ ع‘‘ لکھوں
تو سوچے مجھے

پھر’’ش‘‘ لکھوں
تیری نیند اُڑے

جب’’ ق‘‘ لکھوں
تجھے کچھ کچھ ہو

میں’’ عشق ‘‘لکھوں تجھے ہو جائے
چل آ اک ایسی نظم کہوں
جو لفظ کہوں وہ ہو جائے