Be Sukhan Dareechon Se
Yaad hai mein ne tum se kaha tha
Mera har sukhan tum se hai
Dekh lo chhay mahino se ab tak
Kisi nazam ki koi halki si aahat bhi
Dil ke darichon peh dastak nahi day saki hai
Magar mein es se zaida duaon mein tum ko nahi mang sakti
Khuda itna farig nahi hai keh sab chhor kar
Hum ko milane ki zamane mein kun ki sadayen lagata phiray
Us ki duniya mein hum hi nahi aur bhi log hain
Haan wo duniya jo hum ne banai thi us mein faqat hum hi thay
Waqt ka azda meri dain ishq ki
Saari masomiyat ko nigalne laga hai
Khuda aur rehmat ka naqsha jo aama ne
Bachpan mein khincha tha yaksar badlne laga hai
Kahin door se phir tumhari sada aa rahi hai
Magar dil yeh kehta hai bas ab nahi khamoshi chahiye
Aur tum jantay ho mein dil ki suno gi
Yeh kia hai jab aankhen mundo to rang aur manzar
Magar aankhen kholon to har so andera hai
Mein ne tum ko roshni farz kar ke hi sab dil ki baatain kahi hain
Meri be qarari kisi gair manos
Sanchay mein dheere se dhalne lagi hai
Mahino se dil ke jazeray per jamti hoi barf aakhir peglne lagi hai
Koi nazam phir mujh mein chalne lagi hai
Yaad hai mein ne tum se kaha tha
Mera har sukhan tum se hai
نظم
بے سُخن دریچوں سے
یاد ہے میں نے تم سے کہا تھا
میرا ہر سُخن تم سے ہے
دیکھ لو چھے مہینوں سے اب تک
کسی نظم کی کوئی ہلکی سی آہٹ بھی
دل کے دریچے پہ دستک نہیں دے سکی ہے
مگر میں اس سے زیادہ دعاؤں میں تم کو نہیں مانگ سکتی
خدا اتنا فارغ نہیں ہے کہ سب چھوڑ کر
ہم کو ملانے کی زمانے میں کُن کی صدائیں لگاتا پھرے
اُس کی دنیا میں ہم ہی نہیں اور بھی لوگ ہیں
ہاں وہ دنیا جو ہم نے بنائی تھی اُس میں فقط ہم ہی تھے
وقت کا اژدہ میری دین عشق کی
ساری مصومیت کو نگلنے لگا ہے
خدا اور رحمت کا نقشہ جو اماں نے
بچپن میں کھنچا تھا یکسر بدلنے لگا ہے
کہیں دور سے پھر تمہاری صدا آرہی ہے
مگر دل یہ کہتا ہے بس اب نہیں خاموشی چاہئے
اور تم جانتے ہو میں دل کی سنو گی
یہ کیا ہے جب آنکھیں موندوں تو رنگ اور منظر
مگر آنکھیں کھولوں تو ہر سو اندھیرا ہے
میں نے تم کو روشنی فرض کر کے ہی
سب دل کی باتیں کہی ہیں
میری بے قراری کسی غیر مانوس
سانچے میں دھیرے سے ڈھلنے لگی ہے
مہینوں سے دل کے جزیرے پر جمتی ہوئی برف
آخر پگھلنے لگی ہے
کوئی نظم پھر مجھ میں چلنے لگی ہے
یاد ہے میں نے تم سے کہا تھا
میرا ہر سُخن تم سے ہے
