Aata Hai Yaad Mujh Ko Guzra Howa Zamana
Woh bagh ki baharen woh sab ka chehchhana
Aazadiyan kahan woh ab apne ghonslay ki
Apni khushi se aana apni khushi se jana
Lagti hai chout dil par aata hai yaad jis dam
Shabnam ke aansowon par kaliyon ka muskurana
Woh pyari pyari soorat woh kamni si moorat
Aabad jis ke dam se tha mere aashiyana
Aati nahi sadaayen uss ki mere qafas mein
Hoti meri rehai ay kash mere bas mein
Kia bad naseeb hoon mein ghar ko taras raha hoon
Sathi to hain watan mein, mein qaid mein para hoon
Aai bahar kaliyan phoolon ki hans rahi hain
Mein iss andheray ghar mein qismat ko ro raha hoon
Is qaid ka ilahi dukhara kisay sunaon
Dar hai yahi qafas mein, mein gham se mar nah jaon
Jab se chaman chhata hai yeh haal ho gaya hai
Dil gham ko khaa raha hai gham dil ko khaa raha hai
Gana isay samjh kar khush hoon nah sunnay wale
Dukhay hoye dilon ki faryaad yeh sadaa wale
Aazaad mujh ko kar day ao qaid karne wale
Mein be zubaan hoon qaidi to chhor kar dua lay
Aata hai yaad mujh ko guzra howa zamana
Woh bagh ki baharen woh sab ka chehchhana
نظم
آتا ہے یاد مجھ کو گزرا ہوا زمانہ
وہ باغ کی بہاریں وہ سب کا چہچہانا
آزادیاں کہاں وہ اب اپنے گھونسلے کی
اپنی خوشی سے آنا اپنی خوشی سے جانا
لگتی ہے چوٹ دل پر آتا ہے یاد جس دم
شبنم کے آنسوؤں پر کلیوں کا مسکرانا
وہ پیاری پیاری صورت، وہ کامنی سی مورت
آباد جس کے دم سے تھا میرا آشیانا
آتی نہیں صدائیں آُس کی مرے قفس میں
ہوتی مری رہائی اے کاش میرے بس میں
کیا بد نصیب ہوں میں گھر کو ترس رہا ہوں
ساتھی تو ہیں وطن میں، میں قید میں پڑا ہوں
آئی بہار، کلیاں پھولوں کی ہنس رہی ہیں
میں اِس اندھیرے گھر میں قسمت کو رو رہا ہوں
اِس قید کا الہی دُکھڑا کسے سناؤں
ڈر ہے یہی قفس میں ، میں غم سے مر نہ جاؤں
جب سے چمن چھٹا ہے یہ حال ہو گیا ہے
دل غم کو کھا رہا ہے ، غم دل کو کھا رہا ہے
گانا اِسے سمجھ کر خوش ہوں نہ سننے والے
دکھے ہوئے دلوں کی فریاد یہ صدا والے
آزاد مجھ کو کر دے او قید کرنے والے
میں بے زبان ہوں قیدی ، تو چھوڑ کر دعا لے
آتا ہے یاد مجھ کو گزرا ہوا زمانہ
وہ باغ کی بہاریں وہ سب کا چہچہانا
