Nazar Theherti Nahi Hai Rukh Aftab Hi Hai
Yakeen kar teri be pardagi hijab hi hai

Tumhara sath ek izazi uhda hai jis mein
Kuch ikhtiyar nahi hai yeh rob daab hi hai

Hamari ungh kabhi neend tak gai hi hai
So khwab dekhna tahaal aik khwab hi hai

Qasam khuda ki bari dair kuch nahi dikhta
Bah ghour uski taraf dekhna azaab hi hai

Mein kuch bhi poochay baghair uth ke aa gaya wapas
Samjh gaya tha usay dekh kar jawab hi hai

Mera badan bhi kam-o-baish hai zameen ki tarah
Keh do tahai kam az kam to zair aab hi hai

Kharab rastay peh takhti dikhi tu ruk ke pari
Likha tha rasta yahi hai magar kharab hi hai

Hum aik hath ki douri peh sath phirtay hain
Woh dastaras mein nahi hai woh dastiyab hi hai

Teri talab agar aasoodgi hai rab rakha
Hamare pass to le de ke iztiraab hi hai

Nazar theherti nahi hai rukh Aftab hi hai
Yakeen kar teri be pardagi hijab hi hai
غزل
نظر ٹھہرتی نہیں ہے رُخ آفتاب ہی ہے
یقین کر تری بے پردگی حجاب ہی ہے

تمہارا ساتھ اک اعزازی عہدہ ہے جس میں
کچھ اختیار نہیں ہے یہ رعب داب ہی ہے

ہماری اُونگھ ، کبھی نیند تک گئی ہی ہے
سو خواب دیکھنا، تاحال ، ایک خواب ہی ہے

قسم خدا کی بڑی دیر کچھ نہیں دکھتا
بہ غور اُس کی طرف دیکھنا عذاب ہی ہے

میں کچھ بھی پوچھے بغیر اُٹھ کے آ گیا واپس
سمجھ گیا تھا اُسے دیکھ کر جواب ہی ہے

مرا بدن بھی کم و بیش ہے زمیں کی طرح
کہ دو تہائی کم از کم تو زیر آب ہی ہے

خراب رستے پہ تختی دکھی تو رک کے پڑھی
لکھا تھا رستہ یہی ہے مگر خراب ہی ہے

ہم ایک ہاتھ کی دوری پہ ساتھ پھرتے ہیں
وہ دسترس میں نہیں ہے وہ دستیاب ہی ہے

تری طلب اگر آسودگی ہے رب راکھا
ہمارے پاس تو، لے دے کے اِضطراب ہی ہے

نظر ٹھہرتی نہیں ہے رُخ آفتاب ہی ہے
یقین کر تری بے پردگی حجاب ہی ہے
Poet: Umair Najmi
Share this with your friends