Nah To Zameen Ke Liye Hai Nah Aasman Ke Liye
Jahan hai tere liye tou nahi jahan ke liye
Yeh aqal-o-dil hain sharer shola mohabbat ke
Woh kharo khas ke liye hai yeh nestaan ke liye
Maqam-e-parwarish aah-o-naala hai yeh chaman
Nah sair gul ke liye hai nah aashiyan ke liye
Rahe garawai-o-neel-o-furaat mein kab tak
Tera safina keh hai bahr-e-beqaran ke liye
Nishan-e-rah dikhatay thay jo siraton ko
Taras gaye hain kisi mard-e-rah daan ke liye
Ngah buland sukhan dil Nawaz jaan par soz
Yahi hai rakht-e-safar meer-e-karwaan ke liye
Zarasi baat thi andesha ajm ne usay
Barha diya hai faqt zaib dastan ke liye
Nah to zameen ke liye hai nah aasman ke liye
Jahan hai tere liye tou nahi jahan ke liye
غزل
نہ تو زمیں کے لئے ہے نہ آسماں کے لئے
جہاں ہے تیرے لئے تو نہیں جہاں کے لئے
یہ عقل و دل ہیں شرر شعلہ محبت کے
وہ خارو خس کے لئے ہے یہ نیستاں کے لئے
مقامِ پرورشِ آہ ونالہ ہے یہ چمن
نہ سیر گل کے لئے ہے نہ آشیاں کے لئے
رہے گاراوی و نیل وفرات میں کب تک
ترا سفینہ کہ ہے بحرِ بیکراں کے لئے
نشانِ راہ دکھاتے تھے جو ستاروں کو
ترس گئے ہیں کسی مردِ راہ داں کے لئے
نگہ بلند سخن دل نواز جاں پر سوز
یہی ہے رختِ سفر میرِ کارواں کے لئے
ذراسی بات تھی اندیشہ عجم نے اُسے
بڑھا دیا ہے فقط زیب، داستاں کے لئے
نہ تو زمیں کے لئے ہے نہ آسماں کے لئے
جہاں ہے تیرے لئے تو نہیں جہاں کے لئے
