Na Assman Se Na Dushman Ke Zoor O Zar Se Howa
Yeh mojhza to mere dast e be honar se howa
Qadam utha hai to paon talay zameen hi nahi
Safar ka ranj hamein khawahish e safar se howa
Mein bheeg bheeg gaya arzo ki barish mein
Wo aks aks mein taqseem chasham e tar se howa
Siyahi shab ki na chehron peh aa gai ho kahin
Saher ka khoof hamein aaino ke dar se howa
Koi chalay to zameen sath sath chalti hai
Yeh raaz hum peh aayaan gird rah guzar se howa
Tere badan ki mehk hi na thi to kia rukte
Guzar hamara kai baar youn to ghar se howa
Kahan peh soye thay amjid kahan khulen aankhen
Gumaan qafas ka hamein apne baam o dar se howa
Na assman se na dushman ke zoor o zar se howa
Yeh mojhza to mere dast e be honar se howa
غزل
نہ آسماں سے نہ دشمن کے زور و زر سے ہوا
یہ معجزہ تو میرے دست بے ہنر سے ہوا
قدم اٹھا ہے تو پاؤں تلے زمیں ہی نہیں
سفر کا رنج ہمیں خواہش سفر سے ہوا
میں بھیگ بھیگ گیا آرزو کی بارش میں
وہ عکس عکس میں تقسیم چشم تر سے ہوا
سیاہی شب کی نہ چہروں پہ آ گئی ہو کہیں
سحر کا خوف ہمیں آئینوں کے ڈر سے ہوا
کوئی چلے تو زمیں ساتھ ساتھ چلتی ہے
یہ راز ہم پہ عیاں گرد رہ گزر سے ہوا
تیرے بدن کی مہک ہی نہ تھی تو کیا رکتے
گزر ہمارا کئی بار یوں تو گھر سے ہوا
کہاں پہ سوئے تھے امجدؔ کہاں کھلیں آنکھیں
گماں قفس کا ہمیں اپنے بام و در سے ہوا
