Mein Unn Ki Waja Se Hoon Darja Zail Teen Ke Sath

Mein Unn Ki Waja Se Hoon Darja Zail Teen Ke Sath
Khuda ke sath sahifay ke sath, deen ke sath

Yahi bohat hai, ziyarat ho unn ki aankhon ki
Mujhe bithao madinay ke zaireen ke sath

Amanton ke tahaffuz ki rasam ke hain amiin
Hamara rabt-e-musalsal hai aik ameen ke sath

Zameen zaad agar koi aur hai to bata
Jo be hijab raha arsh ke makeen ke sath

Woh badshah, ghulamon mein aisay rehta tha
Ufaq peh jaise jura hai falak, zamen ke sath

Yahi nahi keh utara tha sirf husan-e-tamam
Khuda ne ishq utara tha uss haseen ke sath

Sawal kitne baras tak zameen thi rashk-e-falak
Jawab sirf tresath baras yaqeen ke sath

Mein unn ki waja se hoon darja zail teen ke sath
Khuda ke sath sahifay ke sath, deen ke sath