Kafi Nahi Khatoot Kisi Baat Ke Liye| Anwar Shoor

Kafi Nahi Khatoot Kisi Baat Ke Liye
Tashreef laiye ga mulaqat ke liye

Duniya mein kia kisi se kisi ko gharaz nahi
Har koi ji raha hai faqt zaat ke liye

Hum bargaa naaz mein iss be niyaz ki
Paida kiye gaye hain shikayat ke liye

Hain patharon ki zad peh tumhari gali mein hum
Kia aaye thay yahan ussi barsaat ke liye

Apni taraf se kuchh bhi unhune ne nahi kaha
Hum ne jawab sirf sawalat ke liye

Roshan karo nah sham se pehle chiragh jam
Din ke liye yeh cheez hai ya raat ke liye

Mehengai rah raas peh le aai khainch kar
Bachti nahi raqam buri aadat ke liye

Karne ke kaam kyun nahi karte shaoor tum
Kia zindagi mili hai khurafaat ke liye

Kafi nahi khatoot kisi baat ke liye
Tashreef laiye ga mulaqat ke liye