Mein Brush Chhor Chukka Aakhri Tasveer Ke Baad

Mein Brush Chhor Chukka Aakhri Tasveer Ke Baad
Mujh se kuch ban nahi paya teri tasveer ke baad

Mushtarik dost bhi chootay hain tujhe chhorne par
Yani deewar hatani pari tasveer ke baad

Yaar tasveer mein tanha hoon magar log milay
Kai tasveer se pehle kai tasveer ke baad

Dosra ishq muyassar hai magar karta nahi
Kon dekhe ga purani nai tasveer ke baad

Bhaij deta hoon magar pehle batadon tujh ko
Mujh se milta nahi koi meri tasveer ke baad

Khushk deewar mein seelen ka sabab kya hoga
Aik adad zang lagi keel thi tasveer ke baad

Mein brush chhor chukka aakhri tasveer ke baad
Mujh se kuch ban nahi paya teri tasveer ke baad