Mein Apne Sath Batati Hoon Roz Shaam Ka Waqt
Keh waqt-e-asar hai khud se mere kalaam ka waqt
Tamam din jahan chaho raho khuda ke liye
Kisi ke naam nah karna hamare naam ka waqt
Ilm baghaawaton ka kar liya buland magar
Katay ga dekhna zindaan mein Ghulam ka waqt
Phir is ke baad to bachtay hain sirf pachtaaway
Yahi hai dost raunt ki rok thaam ka waqt
Khuda kare keh karon mein maaf dil se usay
Khuda nah laye kabhi mujh peh intiqam ka waqt
Hamare rizque ka dar-o-madaar hum par hai
Keh thora ishq ka rakha hai baqi kaam ka waqt
Mein apne sath batati hoon roz shaam ka waqt
Keh waqt-e-asar hai khud se mere kalaam ka waqt
غزل
میں اپنے ساتھ بیتاتی ہوں روز شام کا وقت
کہ وقتِ عصر ہے خود سے مرے کلام کا وقت
تمام دن جہاں چاہو رہو خدا کے لیے
کسی کے نام نہ کرنا ہمارے نام کا وقت
علم بغاوتوں کا کر لیا بلند مگر
کٹے گا دیکھنا زندان میں غلام کا وقت
پھر اس کے بعد تو بچتے ہیں صرف پچھتاوے
یہی ہے دوست رعونت کی روک تھام کا وقت
خدا کرے کہ کروں میں معاف دل سے اُسے
خدا نہ لائے کبھی مجھ پہ انتقام کا وقت
ہمارے رزق کا دارو مدار ہم پر ہے
کہ تھوڑا عشق کا رکھا ہے باقی کام کا وقت
میں اپنے ساتھ بیتاتی ہوں روز شام کا وقت
کہ وقتِ عصر ہے خود سے مرے کلام کا وقت
