Man jis ka maula hota hai
من جس کا مولا ہوتا ہے
وہ بالکل مجھ سا ہوتا ہے
آنکھیں ہنس کر پوچھ رہی ہیں
نیند آنے سے کیا ہوتا ہے
مٹی کی عزت ہوتی ہے
پانی کا چرچا ہوتا ہے
جانتا ہوں منصور کو بھی میں
اپنے ہی گھر کا ہوتا ہے
اچھی لڑکی ضد نہیں کرتے
دیکھو عشق برا ہوتا ہے
وحشت کا اک گر ہے جس میں
قیس اپنا بچہ ہوتا ہے
بعض اوقات مجھے دنیا پر
دنیا کا بھی شبہ ہوتا ہے
تم مجھ کو اپنا کہتے ہو
کہہ لینے سے کیا ہوتا ہے
man jis ka maula hota hai
wo bilkul mujh sa hota hai
aankhen hans kar puchh rahi hain
nind aane se kya hota hai
mitti ki izzat hoti hai
pani ka charcha hota hai
jaanta hun mansur ko bhi main
apne hi ghar ka hota hai
achchhi ladki zid nahin karte
dekho ishq bura hota hai
wahshat ka ek gur hai jis mein
qais apna bachcha hota hai
baz-auqat mujhe duniya par
duniya ka bhi shubh hota hai
tum mujh ko apna kahte ho
kah lene se kya hota hai
Load/Hide Comments