Main Takiye Par Sitare Bo Raha Hon

mawraa 0 تبصرے
شاعر:اعتبار ساؔجد
غزل
میں تکیے پر ستارے بو رہا ہوں
جنم دن ہے اکیلا رو رہا ہوں

کسی نے جھانک کر دیکھا نہ دل میں
کہ میں اندر سے کیسا ہو رہا ہوں

جو دل پر داغ ہیں پچھلی رتوں کے
انہیں اب آنسوؤں سے دھو رہا ہوں

سبھی پرچھائیاں ہیں ساتھ لیکن
بھری محفل میں تنہا ہو رہا ہوں

مجھے ان نسبتوں سے کون سمجھا
میں رشتے میں کسی کا جو رہا ہوں

میں چونک اٹھتا ہوں اکثر بیٹھے بیٹھے
کہ جیسے جاگتے میں سو رہا ہوں

کسے پانے کی خواہش ہے کہ ساجدؔ
میں رفتہ رفتہ خود کو کھو رہا ہوں
Ghazal
Main Takiye Par Sitare Bo Raha Hon
Janam-din Hai Akela Ro Raha Hon

Kisi Ne Jhank Kar Dekha Na Dil Mein
Ki Main Andar Se Kaisa Ho Raha Hon

Jo Dil Par Dagh Hain Pichhli Ruton Ke
Unhen Ab Aansuon Se Dho Raha Hon

Sabhi Parchhaiyan Hain Sath Lekin
Bhari Mahfil Mein Tanha Ho Raha Hon

Mujhe In Nisbaton Se Kaun Samjha
Main Rishte Mein Kisi Ka Jo Raha Hon

Main Chaunk Uthta Hon Aksar Baithe Baithe
Ki Jaise Jagte Mein So Raha Hon

Kise Pane Ki Khwahish Hai Ki ‘Sajid’
Main Rafta Rafta Khud Ko Kho Raha Hon
Load/Hide Comments

اپنا تبصرہ بھیجیں