Ghazal
Main Takiye Par Sitare Bo Raha Hon
Janam-din Hai Akela Ro Raha Hon
Kisi Ne Jhank Kar Dekha Na Dil Mein
Ki Main Andar Se Kaisa Ho Raha Hon
Jo Dil Par Dagh Hain Pichhli Ruton Ke
Unhen Ab Aansuon Se Dho Raha Hon
Sabhi Parchhaiyan Hain Sath Lekin
Bhari Mahfil Mein Tanha Ho Raha Hon
Mujhe In Nisbaton Se Kaun Samjha
Main Rishte Mein Kisi Ka Jo Raha Hon
Main Chaunk Uthta Hon Aksar Baithe Baithe
Ki Jaise Jagte Mein So Raha Hon
Kise Pane Ki Khwahish Hai Ki ‘Sajid’
Main Rafta Rafta Khud Ko Kho Raha Hon