Kuch Safinay Mein Jo Garqaab Akhattay Hoon Gay
Aankh mein khawab tehh aab akhattay hoon gay

Jin ke dil jortay yeh umar beta di mein ne
Jab maronga tu yeh ahbaab akhattay hoon gay

Muntashir kar ke zamanon ko khangala jaye
Tab kehin ja ke mere khawab akhattay hoon gay

Aik hi ishq mein donon ka junoon zam hoga
Pyaas yaksaan hai tu sairaab akhattay hoon gay

Mujh ko raftaar chamak tujh ko ghatani hogi
Warna kaisay zar-o-seemab akhattay hoon gay

Uss ki tehh se kabhi daryaft kiya jaon ga mein
Jis samandar mein yeh selaab akhattay hoon gay

Kuch safinay mein jo garqaab akhattay hoon gay
Aankh mein khawab tehh aab akhattay hoon gay
غزل
کچھ سفینے میں جو غرقاب اکٹھے ہوں گے
آنکھ میں خواب تہہ آب اکٹھے ہوں گے

جن کے دل جوڑتے یہ عمر بِتا دی میں نے
جب مروں گا تو یہ احباب اکٹھے ہوں گے

منتشر کر کے زمانوں کو کھنگالا جائے
تب کہیں جا کے مرے خواب اکٹھے ہوں گے

ایک ہی عشق میں دونوں کا جنوں ضم ہوگا
پیاس یکساں ہے تو سیراب اکٹھے ہوں گے

مجھ کو رفتار چمک تجھ کو گھٹانی ہوگی
ورنہ کیسے زر و سیماب اکٹھے ہوں گے

اُس کی تہہ سے کبھی دریافت کیا جاؤں گا میں
جس سمندر میں یہ سیلاب اکٹھے ہوں گے

کچھ سفینے میں جو غرقاب اکٹھے ہوں گے
آنکھ میں خواب تہہ آب اکٹھے ہوں گے
Poet: Umair Najmi
Share this with your friends