Kaun Kahta Hai Ki Maut Aai To Mar Jaunga

mawraa 0 تبصرے
شاعر: احمد ندیم قاسمی
کون کہتا ہے کہ موت آئی تو مر جاؤں گا
میں تو دریا ہوں سمندر میں اتر جاؤں گا
تیرا در چھوڑ کے میں اور کدھر جاؤں گا
گھر میں گھر جاؤں گا صحرا میں بکھر جاؤں گا
تیرے پہلو سے جو اٹھوں گا تو مشکل یہ ہے
صرف اک شخص کو پاؤں گا جدھر جاؤں گا
اب ترے شہر میں آؤں گا مسافر کی طرح
سایۂ ابر کی مانند گزر جاؤں گا
تیرا پیمان وفا راہ کی دیوار بنا
ورنہ سوچا تھا کہ جب چاہوں گا مر جاؤں گا
چارہ سازوں سے الگ ہے مرا معیار کہ میں
زخم کھاؤں گا تو کچھ اور سنور جاؤں گا
اب تو خورشید کو گزرے ہوئے صدیاں گزریں
اب اسے ڈھونڈنے میں تا بہ سحر جاؤں گا
زندگی شمع کی مانند جلاتا ہوں ندیمؔ
بجھ تو جاؤں گا مگر صبح تو کر جاؤں گا
kaun kahta hai ki maut aai to mar jaunga
main to dariya hun samundar mein utar jaunga

tera dar chhod ke main aur kidhar jaunga
ghar mein ghir jaunga sahra mein bikhar jaunga

tere pahlu se jo utthunga to mushkil ye hai
sirf ek shakhs ko paunga jidhar jaunga

ab tere shahr mein aaunga musafir ki tarah
saya-e-abr ki manind guzar jaunga

tera paiman-e-wafa rah ki diwar bana
warna socha tha ki jab chahunga mar jaunga

chaarasazon se alag hai mera mear ki main
zakhm khaunga to kuchh aur sanwar jaunga

ab to khurshid ko guzre hue sadiyan guzrin
ab use dhundne main ta-ba-sahar jaunga

zindagi shama ki manind jalata hun ‘nadim’
bujh to jaunga magar subh to kar jaunga

Load/Hide Comments

اپنا تبصرہ بھیجیں