Koi Uljhan
Koi be sookani si thi
Zindagi ki koi ramz hum se
Chupi rahe gai thi
Jisay dhondane ke liye
Hum fasano ki duniya mein phirtay rahe
Nazam ke nit nay tajrbon mein dhalay
Sher ke makhfi mani ki parton talay
Na rasai, mohabbat, junoon, rayagani,
Ke sab zaiqay chakh liye
Per koi un chakha zaiqa phir baqi raha
Hum peh barson ki be ja musafat
Mein bhi sirf itna khula zindagi to
Wohi thi jo hum ne jahaan se alag
Chand marhalay ke ghar mein guzari
Wo ek mukhtasar rasta hum jahaan
Kuch qadam sath chaltay rahe
Talkhiyon se bharay din mohabbat ki
Shaamo mein dhaltay rahe
Es akhari sham ke dagmagatay qadam
Meri ainda subhon peh saya karen gay
Bahut yaad aya karen gay
Yahin rok do
Log sun to rahe hain
Magar rok do
Aur chupa lo yeh andar ki sari kharishain
Nahi to yahi log es mukhtasar si nazam se
Jane kia kia fasane tarashin
نظم
کوئی الجھن
کوئی بے سکونی سی تھی
زندگی کی کوئی رمز ہم سے
چھپی رہے گئی تھی
جسے ڈھونڈنے کے لیے
ہم فسانوں کی دنیا میں پھرتے رہے
نظم کے نت نئے تجربوں میں ڈھلے
شعر کے مخفی معنی کی پرتوں تلے
نارسائی، محبت، جنوں، رائیگانی
کے سب ذائقے چکھ لیے
پر کوئی ان چکھا ذائقہ پھر بھی باقی رہا
ہم پہ برسوں کی بے جا مسافت
میں بھی صرف اتنا کھلا زندگی تو
وہی تھی جو ہم نے جہاں سے الگ
چند مرلے کے گھر میں گزاری
وہ اک مختصر راستہ ہم جہاں
کچھ قدم ساتھ چلتے رہے
تلخیوں سے بھرے دن محبت کی
شاموں میں ڈھلتے رہے
اس آخری شام کے ڈگمگاتے قدم
میری آئندہ صبحوں پہ سایہ کریں گے
بہت یاد آیا کریں گے
یہیں روک دو
لوگ سن تو رہے ہیں
مگر روک دو
اور چھپالو یہ اندر کی ساری خراشیں
نہیں تو یہی لوگ اس مختصر نظم سے
جانے کیا کیا فسانے تراشیں
