شاعر:وصی شاہ
غزل
خود سے تو آئے نہ تھے اہل زمیں سنتا ہے
کیوں انہیں بھیج کے اب ان کی نہیں سنتا ہے

یہ اگر سچ ہے تو پھر آج اسے ثابت کر
کہ سنا ہے تو سر عرش بریں سنتا ہے

وہ جو سنتا نہیں تیری تو گلا کیسا ہے
تو بھی کب اس کی مرے خاک نشیں سنتا ہے

بگڑے بچے کی طرح شور مچائے جائے
یہ مرا دل کہ کسی کی بھی نہیں سنتا ہے

حسن کے حسن تغافل سے پریشان نہ ہو
غور سے بات کہاں کوئی حسیں سنتا ہے

بھوک افلاس دغا جرم کی بہتات وصیؔ
پھر بھی لگتا ہے تجھے کوئی کہیں سنتا ہے
 
Ghazal
Khud Se To Aae Na The Ahl-E-Zamin Sunta Hai
Kyun unhen bhej ke ab un ki nahin sunta hai

Ye agar sach hai to phir aaj ise sabit kar
Ki suna hai tu sar-e-arsh-e-barin sunta hai

Wo jo sunta nahin teri to gila kaisa hai
Tu bhi kab us ki mere khak-nashin sunta hai

Bigde bachche ki tarah shor machae jae
Ye mera dil ki kisi ki bhi nahin sunta hai

Husn ke husn taghaful se pareshan na ho
Ghaur se baat kahan koi hasin sunta hai

Bhuk iflas dagha jurm ki bohtat ‘wasi’
Phir bhi lagta hai tujhe koi kahin sunta hai
Share this with your friends