غزل
ختم ہر اچھا برا ہو جائے گا
ایک دن سب کچھ فنا ہو جائے گا

کیا پتا تھا دیکھنا اس کی طرف
حادثہ اتنا بڑا ہو جائے گا

مدتوں سے بند دروازہ کوئی
دستکیں دینے سے وا ہو جائے گا

ہے ابھی تک اس کے آنے کا یقین
جیسے کوئی معجزہ ہو جائے گا

مسکرا کر دیکھ لیتے ہو مجھے
اس طرح کیا حق ادا ہو جائے گا

کاش ہو جاؤ مرے ہمراہ تم
ورنہ کوئی دوسرا ہو جائے گا

کل کا وعدہ اور اس بحران میں؟
جانے کل دنیا میں کیا ہو جائے گا

رنگ لائے گا شہیدوں کا لہو
ظلم جب حد سے سوا ہو جائے گا

آپ کا کچھ بھی نہ جائے گا شعورؔ
ہم غریبوں کا بھلا ہو جائے گا
Ghazal
Khatm Har Acha Bura Ho Jaega
Ek din sab kuchh fana ho jaega
 
Kya pata tha dekhna us ki taraf
Hadsa itna bada ho jaega
 
Muddaton se band darwaza koi
Dastaken dene se wa ho jaega
 
Hai abhi tak us ke aane ka yaqin
Jaise koi moajiza ho jaega
 
Muskura kar dekh lete ho mujhe
Is tarah kya haq ada ho jaega
 
Kash ho jao mere ham-rah tum
Warna koi dusra ho jaega
 
Kal ka wada aur is bohran mein?
Jaane kal duniya mein kya ho jaega
 
Rang laega shahidon ka lahu
Zulm jab had se siwa ho jaega
 
Aap ka kuchh bhi na jaega ‘shuur’
Hum gharibon ka bhala ho jaega
Share this with your friends