Jab Khizan Aaye To Pattay Nah Samar Bachta Hai
Khali jholi liye weraani shajar bachta hai
Nuqta cheen shouq se din raat mere aaib nikal
Kyunkeh jab aib nikal jayen hunar bachta hai
Saray darr bas issi darr se hain keh kho jaye nah yaar
Yaar kho jaye to phir kon sa darr bachta hai
Roz pathrao bohat karte hain duniya wale
Roz mar mar ke khawab nigar bachta hai
Gham woh rasta hai keh shab bhar usay teh karne ke baad
Subhadam dekhen to itna hi safar bachta hai
Bas yahi soch ke aaya hoon teri chokhat par
Darbadar hone ke baad ik yahi dar bachta hai
Ab mere aib zada shahr ke shar se sahib
Shazonadar hi koi ahl-e-honar bachta hai
Ishq woh ilm rayazi hai keh jis mein faris
Do se jab aik nikalen to sifar bachta hai
Jab khizan aaye to pattay nah samar bachta hai
Khali jholi liye weraani shajar bachta hai
غزل
جب خزاں آئے تو پتے نہ ثمر بچتا ہے
خالی جھولی لیے ویران شجر بچتا ہے
نکتہ چیں شوق سے دن رات مرے عیب نکال
کیونکہ جب عیب نکل جائیں ہنر بچتا ہے
سارے ڈر بس اِسی ڈر سے ہیں کہ کھو جائے نہ یار
یار کھو جائے تو پھر کون سا ڈر بچتا ہے
روز پتھراؤ بہت کرتے ہیں دنیا والے
روز مرمر کے مرا خواب نگر بچتا ہے
غم وہ رستہ ہے کہ شب بھر اُسے طے کرنے کے بعد
صبحدم دیکھیں تو اتنا ہی سفر بچتا ہے
بس یہی سوچ کے آیا ہوں تری چوکھٹ پر
دربدر ہونے کے بعد اک یہی در بچتا ہے
اب مرے عیب زدہ شہر کے شر سے صاحب
شاذونادر ہی کوئی اہلِ ہنر بچتا ہے
عشق وہ علم ریاضی ہے کہ جس میں فارس
دو سے جب ایک نکالیں تو صفر بچتا ہے
جب خزاں آئے تو پتے نہ ثمر بچتا ہے
خالی جھولی لیے ویران شجر بچتا ہے
