Agar Hum Log Naqsha Dekh Letay of Zia Mazkoor

Agar Hum Log Naqsha Dekh Letay
Tou ab tak sari duniya dekh letay

Ghutan bhi ghati khirki kholne se
Tamashay ka tamasha dekh letay

Mohabbat karte chhoti umar mein aur
Jawani mein burhapa dekh letay

Zara pehle janam lete tou hum bhi
Chiraghon ka zamana dekh letay

Koi bhi rang ann dekha na rehta
Agar iss ka paranda dekh letay

Hamare dost hi aise nahi thay
Wagarna hum bhi kotha dekh letay

Wahin par beth jate likhne iss ko
Jahan bhi dakhana dekh letay

Gharon se choriyan latay bana kar
Jo iss kandhe peh tuta dekh letay

Agar hum log naqsha dekh letay
Tou ab tak sari duniya dekh letay