Ishq Ko Rastay Ki Khud Deewar Karkay Dekhte
Zindagi ko kis liye, Aazad karkay dekhte

Kaisay gardan kattay hain haami-e-zulm-o-sitam
Jabar ki rat mein kabhi inkaar karkay dekhte

Barish-e-sang-e-malamat hogi kaisay toot ke
Khud ko ik din aaina bardaar karkay dekhte

Lakh jhelai kulften par lutf-e-gham aisa mila
Hum yahi kar-e-wafa so bar karkay dekhte

Aaj kal qeemat hi kia jins-e-mohabbat ki yahan
Hum kharidaaron se kia takraar karkay dekhte

Machliyan kaisay magar machon ka ban jati hain rizq
Aap dariaye sukhan ko paar karkay dekhte

Pusht peh phainkay howon teeron peh itratay phiray
Mere dushman samnay se waar karkay dekhte

Ishq ko rastay ki khud deewar karkay dekhte
Zindagi ko kis liye, Aazad karkay dekhte
غزل
عشق کو رستے کی خود دیوار کرکے دیکھتے
زندگی کو کس لیے ، آزاد کرکے دیکھتے

کیسے گردن کاٹتے ہیں حامی ء ظلم و ستم
جبر کی رت میں کبھی انکار کر کے دیکھتے

بارشِ سنگِ ملامت ہوگی کیسے ٹوٹ کے
خود کو اک دن آئینہ بردار کرکے دیکھتے

لاکھ جھیلی کلفتیں پر لطفِ غم ایسا ملا
ہم یہی کارِ وفا سو بار کر کے دیکھتے

آج کل قیمت ہی کیا جنسِ محبت کی یہاں
ہم خریداروں سے کیا تکرار کرکے دیکھتے

مچھلیاں کیسے مگر مچھوں کا بن جاتی ہیں رزق
آپ دریائے سخن کو پار کرکے دیکھتے

پشت پہ پھینکے ہوؤں تیروں پہ اِتراتے پھرے
میرے دشمن سامنے سے وار کرکے دیکھتے

عشق کو رستے کی خود دیوار کرکے دیکھتے
زندگی کو کس لیے ، آزاد کرکے دیکھتے
Poet: Komal Joya
Share this with your friends