Ishq Ko Rastay Ki Khud Deewar Karkay Dekhte

Ishq Ko Rastay Ki Khud Deewar Karkay Dekhte
Zindagi ko kis liye, Aazad karkay dekhte

Kaisay gardan kattay hain haami-e-zulm-o-sitam
Jabar ki rat mein kabhi inkaar karkay dekhte

Barish-e-sang-e-malamat hogi kaisay toot ke
Khud ko ik din aaina bardaar karkay dekhte

Lakh jhelai kulften par lutf-e-gham aisa mila
Hum yahi kar-e-wafa so bar karkay dekhte

Aaj kal qeemat hi kia jins-e-mohabbat ki yahan
Hum kharidaaron se kia takraar karkay dekhte

Machliyan kaisay magar machon ka ban jati hain rizq
Aap dariaye sukhan ko paar karkay dekhte

Pusht peh phainkay howon teeron peh itratay phiray
Mere dushman samnay se waar karkay dekhte

Ishq ko rastay ki khud deewar karkay dekhte
Zindagi ko kis liye, Aazad karkay dekhte