Humaray Anay Walay Din Khawab Main Badal Gaye

Ghazal
Humaray Anay Walay Din Khawab Main Badal Gaye
Magar Janaab Ap Kis Hissab Main Badal Gaye

Wo Ba Haya، Haya Ky Us Muqam Per Ponnch Gaye
Keh Us Ky Nain Naqsh Tak Naqab Main Badal Gaye

Wo Jang Ruk Gae To Tank Rang Phinkny Lagy
Kaman Main Jo Teer Thy Gulab Main Badal Gaye

Wo Mary Pass Sy Utha Tu Mera Rizq Uth Gaya
Dahan Main Jo Nwalay Thay luaab Main Badal Gaye

Najany Kis Ky Hath Aa Gaya Nizam-E-Abro-E-Baad
Humary Gaon Ky kunwain Sharab Main Badal Gaye