Ho Gaye Din Jenhain Bhaye Hoye| Shaoor Poetry

Ho Gaye Din Jenhain Bhaye Hoye
Aaj kal hain woh yaad aaye hoye

Mein ne raatein bohat guzari hain
Sirf dil ka diya jalaye hoye

Aik ussi shakhs ka nahi mazkoor
Hum zamane ke hain sataye hoye

Sonay aatay hain log basti mein
Sare din ke thakkay thakaye hoye

Muskuraye baghair bhi woh hont
Nazar aatay hain muskuraye hoye

Go falak peh nahi palak peh sahi
Do sitare hain jagmaye hoye

Aa shaoor aur koi baat karo
Hain yeh qissay sune sunaye hoye

Ho gaye din jenhain bhaye hoye
Aaj kal hain woh yaad aaye hoye