Yeh Aur Baat Hai Tujh Se Gila Nahi Karte
Jo zakhm tou ne diye hain bhara nahi karte

Hazar jaal liye ghoomti phiray duniya
Tere aseer kisi ke howa nahi karte

Yeh aainon ki tarah dekh bhaal chahtay hain
Keh dil bhi tooten to phir se jura nahi karte

Wafa ki aanch sukhan ka tapaak do unko
Dilon ke chaak rafo se sala nahi karte

Jahan ho pyar ghalat fehmiyan bhi hoti hain
So baat baat peh youn dil bura nahi karte

Hamein hamari anayen taba karden gi
Mukalamay ka agar silsila nahi karte

Jo hum peh guzri hai janan woh tum peh bhi guzray
Jo dil bhi chahe to aisi dua nahi karte

Har ik dua ke muqaddar mein kab huzoori hai
Tamam ghunchay to amjad khila nahi karte

Yeh aur baat hai tujh se gila nahi karte
Jo zakhm tou ne diye hain bhara nahi karte

غزل
یہ اور بات ہے تجھ سے گلا نہیں کرتے
جو زخم تو نے دیے ہیں بھرا نہیں کرتے

ہزار جال لیے گھومتی پھرے دنیا
ترے اسیر کسی کے ہوا نہیں کرتے

یہ آئنوں کی طرح دیکھ بھال چاہتے ہیں
کہ دل بھی ٹوٹیں تو پھر سے جڑا نہیں کرتے

وفا کی آنچ سخن کا تپاک دو اُن کو
دلوں کے چاک رفو سے سلا نہیں کرتے

جہاں ہو پیار غلط فہمیاں بھی ہوتی ہیں
سو بات بات پہ یوں دل برا نہیں کرتے

ہمیں ہماری انائیں تباہ کر دیں گی
مکالمے کا اگر سلسلہ نہیں کرتے

جوہم پہ گزری ہے جاناں وہ تم پہ بھی گزرے
جو دل بھی چاہے تو ایسی دعا نہیں کرتے

ہر اک دعا کے مقدر میں کب حضوری ہے
تمام غنچے تو اؔمجد کھلا نہیں کرتے

Share this with your friends