Wasat Pazeer Amar Ilahi Hai Mere Dost
Yeh kainat, la-matnahi hai mere dost
Beron e zaat dekh le ya andron e zaat
Dono taraf basiat khala hi hai mere dost
Ek fooj hai baray difa e fasrdagi
Tera yeh dost us ka sipahi hai mere dost
Hum es ka tool naap nahi sakte, kyun keh ishq
Doori hai jis ka aik sira hi hai mere dost
Nazir jo manzaron mein nazar aa nahi raha
To waja teri koor nigahi hai mere dost
Khairat e gham se chalti aur nafa ke bagir
Tanzeem e ahl e dard, rafahi hai mere dost
Pehle badan mein aqal ka jamhori dowar tha
Aur aaj kal janun ki shahi hai mere dost
Hassan e jahaan hai lamha kun se tabah kun
Afsos es ka aant, tabahi hai mere dost
Takhleek e noor e arz o samawat hai to phir
Kyun kainat mein yeh sehai hai mere dost
Dekha hai sirf mein ne usay chand raat mein
Royat ki sirf aik gawahi hai mere dost
Wasat pazeer amar ilahi hai mere dost
Yeh kainat, la-matnahi hai mere dost
غزل
وسعت پذیر امرِ الٰہی ہے میرے دوست
یہ کائنات، لامتناہی ہے میرے دوست
بیرونِ ذات دیکھ لے یا انررونِ ذات
دونوں طرف بسیط خلا ہی ہے میرے دوست
اک فوج ہے برائے دفاعِ فسردگی
تیرا یہ دوست اُس کا سپاہی ہے میرے دوست
ہم اِس کا طول ناپ نہیں سکتے، کیونکہ عشق
ڈوری ہے جس کا ایک سِرا ہی ہے میرے دوست
ناظر جو منظروں میں نظر آ نہیں رہا
تو وجہ تیری کور نگاہی ہے میرے دوست
خیراتِ غم سے چلتی ہے اور نفع کے بغیر
تنظیمِ اہلِ درد، رفاہی ہے میرے دوست
پہلے بدن میں عقل کا جمہوری دور تھا
اور آج کل جنون کی شاہی ہے میرے دوست
حسنِ جہاں ہے لمحہء کُن سے تباہ کُن
افسوس اِس کا انت، تباہی ہے میرے دوست
تخلیقِ نورِ ارض و سماوات ہے تو پھر
کیوں کائنات میں یہ سیاہی ہے میرے دوست
دیکھا ہے صرف میں نے اُسے چاند رات میں
رویت کی صرف ایک گواہی ہے میرے دوست
